ساعه العصرية القشره و الطلعه و القعاد في اللساتك المدفونه في الشارع و اللعب والغلات و الكضب و الفشخره
الموضوع ده يوماتي بعد انتها اليوم الدراسي وبعد ما تجي البيت تقلع اللبس بتاع المدرسه و تمشي تلحق الشله وهاك يا طق الحنك مره نغني ومره ننكت ومره نفحت.
لكزه
اي زول في الدنيا دي بحب الجمال بكل انواعه والجمال هو المنظر الحسن الذي يسر الناظر إليه و يدخل في نفسه البهجه والسرور والفرحه
يا جماعه والله وبصراحه في بنات جميلات لدرجه تفوت حد الوصف ح تقول لي ما لك و ما لن ربنا اداهن الجمال ده يااخي ما قلنا حاجه بس في شباب الواحد كبر وقرب يعنس وكل ما يشوف بنيه حلوه يقول في نفسو جميل وغالي القال ليك غالي منو انتا جربتا عشان تقول غالي و ياخي ما تخاف من الجمال ده و الله في بنات حلوات و محترمات ودائرات عرس بس اها يعني تجي هي تطلب ايدك
ااي صحيح في بنات حلوات لكن مغرورات وانتا خائف من شنو يعني لو جاك شاكوش مره مرتين دائر يكسر رأسك خليك ريليكس الواحد دايمآ يخت نفسو في مكان اقل من هذا الجمال ده ليه
يا با شا دا انتا ذي الامر.
يا خي واحد يحكي لي قال مره شاف ليهو بنيه عجبتو اها يا زول طوالي ظهر في الشاشه لكن هو خائف من وضعو شويه لانه هو خريج عااااطل بينما هي خريجه موظفه وتمتلك عربيه و بيت واسره مقندله اها يا عمك صاحبنا اتوكل وقال يفتح ليك معاها باب نضم اللتاريها البنيه بقدر الجمال و الدلال الي فيه خائفه تعنس لانو اي واحد يشوفا يقول جميل وغالي
ولا يكلف نفسو يمشي يتكلم معاها لانو عندو نظرية جميل وغالي
اهااايازول صاحبنا فتح باب النضم ودخل و الان هم احلي زوجان وكمان هي قامت بكل تكاليف الزواج رائك شنو والله يا جماعه البنوت الحلوات فيهن بنوت حلال وسترت حال بس ما تقول جميل وغالي وخليك جدع.
دا يا جماعه ما كلام زول مراهق ساكت ده نضم بالجد وكلام صحيح ميه ميه و الحالات دي راقده بالكوم والبنات الحلوات علي قفا من يشيل ….. وهاك الاموره دي….!
مره قاعد مع جماعه في الحله اها يا صاحبي جات عربيه برادو ولا ايه ما عارف ….!؟.
لا نحرا لا ندرا نلقي ليك العربيه جايه علينا و القزاز ماشي نازل وقفت قدامنا اذا بها بنوته جميله خلاص شي ولافي الاحلام جمال ايه
بتسأل عن بيت واحد اسمو محمد موسي معانا واحد دائر يتظارف ليك معاها شويه قال ليها محمد موسي بتاع النكات ده ولي واحد تاني….!
وفجاه البنيه تفحط ليك العربيه و تكتحنا بالغبار وخلتنا كلنا نتنفض ونضحك علي صاحبنا الاتلبع بي شاكوش في نص راسو
صاحبنا زعل شويه وقال: والله يا جماعه في ناس ربنا مديهن مال و جمال ونحنا….قمنالك علي يا زول ها استغفر ربك ساكت انتا جنيت ولا شنو … !
يا زول صاحبنا استغفر وقال:والله اسي تلقاها عربيه الجكس حقها
قلنالو وطبعآ نحنا حابين نهدي شويه ياخي اصلو كتحتك بي بمبان ولي شطه ما شوية غبار وكدا خليك جامد امال لو تفت عليك ح تعمل شنو… !
لكن صاحبنا حصلت لي عقده شويه وقال لينا دلاله علي انو عاوز يتخارج من الموقف ده…. شباب انا ح امشي البيت واجي
شلناها ليك ضحكه وبقينا نقول:
حماده قده السلك و بلغ الملكيه وجاتنا امو زياره وجابت الطحنيه.
ودي بقولوها المستجدين لي الزول البيشرد من المعسكر و يجيبو اهلو راجع
‏

‏
‏
تحياتي: